【惠英红受勋】自觉对人生有交代　下一步想嫁人：有臭狐都冇所谓

三届金像影后惠英红（红姐）日前获行政长官林郑月娥颁授铜紫荆星章，今晚（29日）英皇老板杨受成在湾仔英皇骏景酒店为其设宴庆祝，金牌经理人霍汶希（Mani）等亦有前来到贺，大会更送上铜紫荆星章造型蛋糕，场面非常高兴！

谈到获颁授勋章的感觉，红姐坦言感觉与在电影颁奖礼上获奖不同：“我阿妹同我讲‘都算系咁’，我个感觉都系‘都算系咁’，好似对自己人生有所交代咁。”问下一个目标，她说：“嫁得出！（嫁个有钱人？）嫁个好人！就算对方有大肚腩、臭狐都冇所谓。”她直言一路以来都有亲朋好友介绍男生予她认识，但见面后总是误以为她是女强人：“好似俾人判咗死刑咁！其实我都唔系好事业型女性、唔系咁强势，有一次有人介绍我同个男性食饭，我好乖坐喺度，但我耳仔同眼都唔好，唔系好畀到反应对方，佢以为我好Cool。系，我本身系做戏，我唔想喺人面前做戏，但我真系唔强，我系波斯猫嚟，只系生得似狮子。”

提到21年的感情空白期，红姐坦言之前曾经和一位男士拍拖一星期，分手原因是男方友人指自己睇过她的写真集觉得好索，而男友又煞有介事地向她转述这段说话，所以她深知对方心底里无法接受便主动提出分手：“我30岁时去过睇紫微斗数，师傅批我60几岁先有对象，老咗先有伴，我之后拎住本命书喺公园睇到喊！”现在58岁的她便指希望师傅能够批得中，让她可以老来有伴。