【是咁的，法官阁下】拍片回应网民质疑　黄智贤：宣传部要拍

黄智贤（Ben）今天（28日）穿著剧中的律师袍出席《是咁的，法官阁下》宣传活动，Ben感性地说：“好耐冇著，好挂住呢件袍，尤其系个假发，唔知会唔会再有机会演律师，依家好有使命感，回忆都返哂嚟，好期待听晚播出。”

活动开场时候播放了一段五分钟影片，影片是一众《是咁的，法官阁下》的演员做主角，内容概要是在法庭中回应为什么这套戏没有大场面没有“大卡士”也能成为台庆剧。“呢条片系宣传部要拍，当初《是咁的，法官阁下》做台庆剧时候大家都议论纷纷，点解会拣呢套剧呀，好似要场面无场面，要卡士又唔够人哋大卡士。网上有好多说话，我觉得系一个回应，当自嘲又好实情又好，唔等于无大场面无大卡士就唔可以做台庆剧，观众会睇到，高层亦会睇到，点解会拣呢套剧做台庆剧系有佢嘅原因。”

不少演员也未必能够做到好像这班演员放下身段自嘲不是“大卡士”，Ben笑言：“其实我系一个演员，唔需要大家畀一个光环我，过往至今都系。我都做咗咁多年演员，我都唔需要大家讲乜，我做好自己工作，呢套剧我拍得好满足，好开心，其实亦出现过大卡士唔一定收得，呢个年代唔单睇呢样，更重要著重剧情。”