【后生仔倾吓偈】肥人持久啲 ?　何远东舌战冯盈盈：特别耐咪好啰

今集《后生仔倾吓偈》以“肥仔”为主题，为咗更贴合呢个主题，于是就请咗何远东做嘉宾。大家都知道《后生仔》系充满学术性嘅节目，所以何远东入场无耐，大家已直奔主题，有后生仔就提到肥嘅人床上战斗力强好多，之后6号就补充：“的而且确喺美国医学协会有调查显示，肥嘅人持久力比正常男士高，因为肥仔女性苛尔蒙较多，难以达到高潮的状态。”一时又话持久力高，一时又话女性苛尔蒙较多，到底6号呢句系赞定弹？面对众人“围攻”，何远东就好霸气咁话：“无高潮咁做嚟仲乜呀？”高潮呢样嘢，又真系唔系做就有。

之不过，呢个答案似乎都系满足唔到性博士冯盈盈同埋麦明诗，麦明诗仲问“有无女性话你好劲，同前度相比”，身为男士嘅6号听到都忍唔住问点解要比较，而何远东就话：“特别耐咪好啰，不过我𠮶啲前度又无试过㖞，都系比较内敛。”麦明诗之后提到认识一位好瘦嘅男性朋友，对方专揾有肉地嘅女仔拍拖，问到何远东情倾瘦定肥嘅女仔，何远东就话偏向瘦小女生：“将来瞓一张床，佢又肥我又肥真系好唔得掂。”一众后生仔之后讲到肥人嘅人缘特别好，但会否因而较易出pool，何远东就话过往追女都系偏向低难度同较为单纯的。“就算做兵帮手买嘢食，我都系可爱兵、都系好开心。”