【广告女皇】着泳装穿梭闹市超尴尬　LilyMan累全组人变意识不良

ViuTV全新节目《Good Night Show广告女皇》每集都会有唔同嘅物品交到一众参赛者手上，再在詹朗林、陈子丰、陈俞希和陈炳铨带领下，令物品变得有型有格受大众欢迎。上一集一众参赛者要在两小时内，以有限资源为泳衣品牌拍摄广告并发布于社交媒体上。照片曝光后，结果负评连连，有网民更指要炒咗形象设计同摄影师。

之不过，其实所谓的形象设计同摄影师原来都系一众参赛者，由于拍摄当日大会只系比两个钟佢哋，所以一班女仔都几心急，而Lily Man(文芊澄)更因而成为众矢之的，除搞到组员Vky黑面之外，导师陈炳铨亦都甚为有火，手忙脚乱之下，结果唔好话执相，连拣相都唔够时间，评判之一嘅倪晨曦睇相后，都忍唔住指“你哋caption话自信源于你的选择，但我完全feel唔到自信，好似各自做自己嘢咁。”而作品曾刊登于美国著名的成人杂志《Playboy》的摄影师Ruby更直指陈炳铨一组的某几张照片“意识不良”，大盘大盘冷水，几位参赛者亦承认“拣相上系有错误 ”。

而获评一致赞好、得到第一名的詹朗林（JJ）组，虽然作品系几有美感，之不过，参赛者Candy事后都好老实咁话：“由泳衣店出嚟𠮶阵觉得petpet好赤裸，仲要喺湾仔，好想揾纸袋遮头。”小神经表示自己第一次著比坚尼，以为会去到沙滩拍摄，结果原来在闹市进行……拍摄外景时，小神经突然向工作人员表示“可唔可以俾返衫褛我，𠮶个人个电话系咁（低炒），好尴尬。”一众参赛者都唔系专业模特儿，要佢哋着住泳衣“游街”影相，仲要俾人眼望望，勇气同诚意少啲都真系唔得掂。sell完泳衣之后，新一集佢哋要负责sell安全套，节目更安排咗男观众到场，又系一埸尴尬之战。