杜小乔同达哥夜蒲　豪饮10几万香槟：平时唔系好饮酒

杜小乔今日（24日）出席护肤品牌活动，她笑指自己其实在护肤上比较懒：“我同好多都市女仔一样，日头好多嘢搞，又要化妆又要整头！”她说自己的眼底经常都很干，所以女生二十多岁起就应该要开始注重眼部的护理：“成日都夜瞓挨夜，又唔知食啲咩好啦，会好容易流失水份。”她笑指自己黑眼圈很严重，但也是自己的特色之一。

小乔透露最近正忙于拍摄一个饮食节目，那么对食物方面有甚么要求？小乔表示：“唔好落太多味精，唔好落太多调味料，佢个食材本身系咁，就应该要咁样食返。”小乔称出外食饭太油腻，而且又有很多食物添加剂，做运动后发觉应该要对生活素质有更高要求，所以为了健康著想开始自己下厨，减少出外进食。

五月时与网络红人达哥到日本拍摄的ViuTV节目《坚离地》将在年底播映，小乔透露与达哥一起喝酒：“我平时唔系好饮酒嘅，但我饮咗一支价值几十万嘅香槟！（有无醉啊？）我知达哥喺度嘅，有醉嘅话唔知佢哋之后会做啲咩呢？”她形容达哥是一个冷面笑匠，经常做些搞笑的事引她笑，却被报哥反指：“喂杜小乔，你笑点都几低㗎㖞！”她要求大家评评理：“我觉得我笑点系高㗎！明明佢自己先系搞笑𠮶个，佢话我笑点低，佢真系好搞笑！”