【苟芸慧结婚】苟姑娘望同老公齐游法国　计划2至3年后完成造人

35岁的苟芸慧（Christine）同45岁的陆汉洋（William）今日（19日）在上水双鱼河乡村会所举行盛大婚宴，一众亲朋好友前来道贺。香港呢两日连续落雨，William说自己特别担心会影响场地布置同设计，幸好今日天气放晴，不冷不热，所以他也特别感恩。

好多新人在行礼时都会讲一番“爱的宣言”，搞到双方眼湿湿，不过苟姑娘就话今日William没有讲太多sweet的说话：“我谂佢日日都讲，所以今日就唔特别讲喇，但系都有感动嘅位，因为佢屋企人喺度啦，佢有小小泪水喺眼度嘅，咁都令到我好感动。”其实William私底下同苟姑娘讲过不少感人的言语，他坦言：“好多嘢讲完要行动嘅，去表示你讲嘅嘢系真实嘅，真系爱呢个人。”

现在苟姑娘升呢作“陆太”，她直言要开始习惯这个称呼：“今日有人咁叫我嘅时候我有反应，咁我自己𠮶下都surprise我会应人哋叫我‘陆太’呢样嘢。”

苟姑娘同William先后去到法国、加拿大同韩国拍婚纱照，两人还抽空游山玩水，“预支”蜜月旅行，William说如果之后有空，在出trip之后会偷一两日时间出来旅行，而刚刚在法国工作完的苟姑娘就表示想去多次：“喺𠮶边拍广告，拍出嚟啲嘢都好靓，𠮶一刻我就谂‘如果老公都喺度就好啦’。”

除了honey moon，相信大家最关心的一定少不了他们的“造人大计”，不过William表示需要一些时间：“大家都有共识，即系要时间去陪小朋友，暂时大家工作都好忙，都希望再做出啲成绩，未完成嘅心愿希望再努力去更上一层楼，我谂生B希望在两、三年度完成，咁真系就系时候要再将个家庭更完整。”