胡杏儿恨再生B 同老公不设防：仔女都冇问题
撰文： 吴子生
出版：更新：
胡杏儿今日（16/10）出席一时装品牌活动。无线《50+1台庆》亮灯仪式昨晚举行，杏儿在TVb奋斗十多年，可以话饮住TVb奶大，并在2011年万千星辉颁奖典礼勇夺视后宝座 。“我近年睇TVb啲剧集，觉得同以前唔一样，啲画面同故事都好唔同好有质数，如果有机会我都好想返去拍吓剧，因为Tvb系我娘家嚟，啱时机我一定会返去嘅，因为我好想把握时间生多个，再等我又唔知自己生唔生得出嘛，仔女都冇问题，小朋友真系好得意，感觉好幸福嘅。”
杏儿透露Tvb都有联络她回巢拍剧，但明白拍剧需要全心全意，把精神放在拍剧上：“好似我见到啲姐妹咁，佢哋拍剧追更拍得好辛苦，如果做女主角的话，要预咗3个月冇假放，又唔可以同TVb讲话可唔可以唔拍咁长时间，所有人都系咁拍，又唔可以叫人咁去就我。”（民网推举王浩信、黎耀祥、陈豪及马德钟视帝之争，睇好边个？）“好难拣，陈豪、黎耀祥攞咗咁多届，王浩信上年又攞咗，咁马德钟攞啦，哈哈。”