Coffee林芊妤开完party即入院生B：生咗　但好累！

撰文： 邝钰莹
出版：更新：
Coffee入院前仲去朋友生日派对，佢手上𠮶杯……应该系可乐嚟嘅。

预产期于本月底嘅林芊妤（Coffee）前晚于Ig Story上载去朋友party嘅片段，但数少时之后，佢就话自己已经喺医院，并表示：“都系等唔到顺产，胎盘仲系前置，依家仲差2cm先够位可以顺产。本来谂住等下等下胎盘有机会会升上去，但因胎盘依家出血，应该要开刀。唔紧要BB健康出世就好，加油！我哋都要安安全全，呢几日都要喺医院瞓啦。”

Party后一转眼，Coffee就已经喺医院病房。

其实Coffe之前已经话过想顺产，但由于医生发现胎盘前置问题，故预计要开刀。Coffee今午透过短讯表示已经生B，“好累，比一日时间我休息好，听日再回应send埋相俾你地。”恭喜晒！

Baby Chak出世，Coffee话要休息够先回应。