奇妙电视开台年半易名　创作总监王喜网上透露玄机

香港依家有3间免费电视台，屹立多年嘅TVB，最近凭《全民造星》气势如虹嘅ViuTV，仲有去年5月拎到牌照后一路无咩声气嘅奇妙电视。10月16号傍晚举行77台易名开幕会，到底系咪早前传出嘅“香港开电视Open TV”？奇妙电视高层王喜就喺Facebook俾咗啲贴士大家。

王喜之前入主入主奇妙电视担任创作总监，以友情牌邀请唔少艺员朋友好似葛民辉、苏丝黄、陈志云得主持节目。连日来佢都喺Facebook落力宣传，提醒大家16号下昼奇妙电视大型活动，有张相仲似乎系明示奇妙电视新台名添。见到王喜面上戴上“门”字面罩，留言话：“实不双门，门天过海，你系咪有嘢门我？”hashtag “#77系乜、#10月27日”77正是奇妙电视粤语频道台号，而10月27就应该系正式易名日子。

睇返奇妙电视记者会，以“香港人‧香港地　见证免费电视新一页”作主题，于萨凡纳艺术设计大学举行开幕酒会，出席艺人包括陈志云、葛民辉、项明生、蔡瀚亿（Babyjohn）、雷深如（J.Arie）、刘朝健、黄芳雯、邝芷凡、卢颂恩、李尚正及李丽珊。而各艺员连日来都有上载采排照片，相信油会上亦有唔少表现环节。