【全民造星】姜涛夺冠成功脱毒　下一步是追回暗恋过的女孩？

ViuTV选秀真人骚《全民造星》昨晚（14日）在九龙湾展贸中心举行总决赛，最后由大热门姜涛夺得冠军，独得100万奖金。问完骚一刻最想做咩？姜涛接受《香港01》访问时笑谓：“我好想食嘢！其实唔系，我想见晒支持我嘅人，多谢佢哋。（你本身都坐定粒六赢冠军？）其实我好少留意外界话边个大热，我初衷系想做一啲香港好少有嘅表演，我冇谂过做呢样嘢会获得奖项，所以好多谢大家。”

提到姜涛整晚表现稳定，他谦称自己仍有不少进步空间：“始于冇一个表演系Perfect。”至于100万奖金打算点使？姜涛就非常大方：“我有谂过系第一时间请大家食嘢，因为呢个奖唔单止系我嘅，仲有好多之前帮助我嘅人。（肥仔叫你请佢去旅行！）可以吖，真系冇所谓，因为呢100万唔系属于我，我都想去旅行放松下，但唔知有冇时间！”已接拍剧集《信任的游戏》和《退休女皇》的他又说：“我谂听日（15日）未使开工住，但我点都会尽力做好，珍惜每个机会。”

问是否已经与ViuTV签经理人合约，姜涛指仍未确实，始终《全民造星》刚刚先完结，但自己不是会忘本的人。记者笑指他现时已经“威威猪”，够晒本钱追那些年暗恋过的女孩，他笑说：“搞好依家啲事先，暂时唔谂感情嘢住，因为好唔容易有咁多人支持我！”记者再笑指她们可能倒追他时，他即暗爽偷笑一下：“唔知㖞！男仔一定钟意多异性追求嘅，但专心依家嘅事先啦！（妈咪想你读埋书先定发展事业？）佢嘅性格不嬲系唔会阻止又唔会支持，只会想我做我最想做嘅嘢，不过我拎到奖佢都好开心，相信我拣咩会理解我、支持我。”