【你咪理，我爱你】郭晋安重现投资移民广告　与毛舜筠合作劲紧张

王祖蓝首次执导贺岁片《你咪理，我爱你！》，揾嚟不少圈中好友帮手，而加盟佢公司无几耐嘅郭晋安，呢日亦都有现身片埸，而佢嘅对手仲要系影后毛舜筠！“因为我入TVB无耐，毛姐就已经去咗拍电影，之后一直都未有机会遇到，所以今日都有少少紧张，好在我得一句对白，都叫自己放松啲。”

安仔于剧中饰演律师，而佢呢日只需等待毛姐介绍佢出场，真系easy job，访问时，安仔就话原来呢场戏，同佢早年拍过嘅一个投资移民广告桥段差不多，祖蓝有此安排，确系有心思。安仔透露未埋位前，祖蓝跟他说《你咪理，我爱你！》是继《老表》系列后，他拍得最开心的作品。问安仔可曾想过挑战导演、编剧一职，他即笑言：“我钟意拍拍屁股就走人，哈！演员只要尽心尽力做好场戏就可以，自己入行咁耐都系咁。”　

安仔於戏中虽然是律师，但他却要解决Bob（林盛斌）同虾头（杨诗敏）的性生活问题，呢日安仔见到二人的床戏，都忍唔住系咁笑。向来往少拍亲热戏的安仔笑言如果同Bob拍床戏的话，应该可以好放松。“佢同细细粒在《老表》𠮶场床戏，我特地返去睇，拍到床都烂埋，我自己就真系少拍，不过就算拍都唔会同老婆讲，佐会叫佢唔好睇。”

面对性事或性教育，中国人向来较为保守，安仔指自己小时候由于得唔到太多答案，所以在成长过程中十分好奇。“但我小朋友就无呢方面问题，因为我哋全家会一齐赤裸浸浴，所以佢完全会明白男生跟女生的分别，就算现在长大了，他有问题我也不会忌讳，照直告诉他。”安仔又指自己曾多次幻想仔仔会问他性教育，更指自己“谂定𠮶场戏嘅对白”，不过讲到父子之间的经典对白，安仔就话：“仔仔问我佢点嚟，我话佢知系爸爸怀胎十月好辛苦咁生佢出嚟，直到佢长大先发现原来系假。”

点击细图，观看阿Bob、虾头与郭晋安精彩的现场演出：