【跳跃生命线】刘佩玥公开老公要求　亲自教你点样分周志文周志康

刘佩玥（Moon）与周志文的绯闻日前因为一次船河直播激咀而再被翻热，虽然阿Moon早前已经澄清过与志文只是“好好朋友”关系，不过凡事无绝对，今日（13日）阿Moon就公开对未来老公的要求，而且亲自教大家分辨孪生兄弟周志文和周志康。

大赞马神扮嘢叻

无线剧集《跳跃生命线》刚于周一（8/10）首播，观众看过后都一致好评，大赞追看性十足，尤以何广沛的演技爆发成为焦点，更有网民直赞抢眼媲美马德钟！不过阿Moon亦不执输，长腿女铁骑的形象让观众耳目一新，画面中一举一动都非常熟练，显然事前下了不少苦功。不过阿Moon表示今次拍《跳》剧最大的难题，是要面对男神马德钟（马神）。

“马神除咗系一个好专业、好可敬嘅演员之外，佢仲好好笑。”刘佩再续说：“呢部剧最难嘅就系要我忍笑，佢好钟意模仿其他演员，我觉得大家应该要邀请佢去扮吓其他人，佢会扮Ming Sir（刘兆铭），又扮我大笑同傻笑，我都成日同佢‘示爱’，赞佢靓仔。”

阿Moon话周志文“百变”睇极唔厌

提到示爱这回事，仿佛在提醒记者阿Moon与周志文的绯闻。能够惹来大家的误会，绝非无中生有，虽然周志文与志康这对孪生两兄弟出道已有十年之久，但若在街上同时遇见，或者只有忠粉才能秒分二人，而阿Moon亦是其中之一，她说：“我从来都无将佢哋认错！”

很多人都说周志文、周志康超级似样，阿Moon不以为然：“我真系唔觉得佢哋两个似样㖞，即系我只眼好，我嘅视力唔系咁好，但系我眼光好好！（二人最大分别是？）周志文未结婚、周志康结咗婚！其实佢哋面上有唔同癦喺唔同嘅地方，同埋只眼系好唔同，阿康只眼双眼皮啲，阿文会有时双眼皮同三眼皮，好百变，睇极都唔会厌！”

公开老公要求：阿文温柔啲！

阿Moon除了眼力好，耳力都不弱，听声音就能分辨周志文、周志康：“阿文温柔啲，阿康就活泼啲，（你喜欢哪种？）我两样都钟意！咁如果我第时男友或老公，可以集合温柔、活泼、再加啲成熟，同埋郑子诚嘅韵味，我觉得会非常之好！”