钟镇涛曾为两餐拍低质电影 感恩圈中好友支持渡过低潮
撰文： 冼燕珊
出版：更新：
钟镇涛相隔十年于红馆开个人演唱会，日前作客TVB娱乐新闻台节目《StarTalk》，接受主播许文轩(Edmond)专访，大谈入行多年感受。他笑说：“好耐冇玩过Saxophone，依家要练嘴肌，因为咬唔实就会漏气，咬得耐又会好攰，依家一星期要起码有十个钟嘅练习。除此之外，今次要挑战打拉丁鼓，因为恭硕良做我鼓手之外，仲系我音乐顾问，我哋会一齐Jam，我都好期待呢Part。”
提到人生低潮时，他说：“当时日子好难挨，有工作就做，其实好阴功，我拍𠮶啲片质素差到呢，但为两餐，为屋企都冇计，其实好多演员就算几大名都好，为咗生活都可能拍过呢啲自己讲出嚟都觉得尴尬嘅戏。”
钟镇涛亦感恩一生中遇过不少好朋友，他说：“校长(谭咏麟)系我人生中最大嘅财富，佢帮咗我好多，今次演唱会佢亦系幕后黑手，仲帮我排Rundown。其实仲有好多好朋友都好关心我，呢啲系钱都买唔到。好似梁朝伟喺我低潮时俾我鼓励，陈升就叫我去台湾录歌，张国荣亦介绍工作俾我，其实我两年前先知道，原来佢当时叫投资嘅黄百鸣起用我拍《九星报喜》。”