【杀手】高海宁挨通宵拍足24小时：成块面生满粒粒

高海宁今日（11/10）化身成黄色快餐车美女现身北角出席活动。高Ling近日忙拍无线剧集《杀手》，在戏中饰演一名庙祝，染有一头灰发，更要穿著性感露腰派福利，视迷大饱眼福。“虽然我喺套里面我系做庙祝帮人解签，但我有令一个身分喺负责帮杀手清理现场，将啲内脏血迹，所有相关嘅嘢都清理得一干二净，呢个角色都几得意又好玩，同时导演要求我著露腰衫，咁所以我要修身，唔可以俾自己肥，用最靓嘅线条展现俾大家。”

早前高Ling拍摄无线新剧《杀手》，直踩24小时，引致脸上皮肤敏感生满粒粒。“因为我唔够训，我连续拍咗几日外景，天气又晒啦，再加上有晚拍通宵再紧接06开工，拍完𠮶几日块面觉得好痕好干，然后出到成块面都系粒粒，个阵时好惊呀，好在屋企有好多保湿嘅护肤品，连续搽咗3日啲皮肤好返晒呢排转天气，都要注重保湿。”