吴耀汉为仔仔吴嘉龙抱不平　寸未来亲家拜金：佢哋等紧我个仔发达

吴嘉龙 (Carl) 入行演艺界多年可惜星运平平，事业发展无咩起色，收入方面自然也不会赚得多。现年42岁的他早已到了适婚年龄，不过却因为无车无楼而被女友家长嫌弃。Carl早前接受访问时透露过有意跟拍拖5年的马来西亚籍女友结婚，惟他之后才醒觉结婚是两个家庭的事，故需要多些时间去沟通和筹备，他说：“慢慢嚟啦，或者出年啰。”并未有交代个中原委。

而Carl的78岁父亲吴耀汉日前参与电影拍摄工作，被问到仔仔Carl的婚事时，他即大爆仔仔原来是遭到女友家长嫌弃无车无楼又无钱，嫌Carl的经济能力并未达标。吴耀汉寸爆未来亲家说：“佢哋等紧我个仔发达。每个妈妈都想自己个女揾到个有车有楼嘅，但有晒呢啲条件嘅话又未必会拣你个女啦！一系佢帮个女揾个好啲啰！”寸嘴之余亦一语道出了残酷的事实真相。

他又自言不心急要饮新抱茶：“我比较西化，呢方面随缘。”他也大赞未来新抱好乖兼拥有中国人的传统思想，但就未见过未来亲家。至于作为父亲的他可会出钱帮仔仔Carl置业？他斩钉截铁地表示：“唔会，呢方面我同佢倾过。”言下之意即要仔仔靠自己努力，又指仔仔其实都好忙，已拍了几部电影，只是除了《无双》以外，其他仍未上映而已。

吴耀汉真系好撑佢仔仔Carl㗎！

平时吴嘉龙同爸爸之间嘅互动都非常多，有时仲会一齐扮鬼扮马，睇得出佢哋真系好好感情。