【跳跃生命线】张彦博都试过救人：而家谂起都觉得好震撼
撰文： 吴子生
出版：更新：
张彦博今晚（8/10）与一众无线剧集《跳跃生命线》演员出席观塘举行首播饭叙。张彦博在戏中饰演一名救护员，为了加深对救护员的职务，并安排接受为期两星期步操训练。彦博直言：“当时我哋喺7至8月期间接受训练，当时天气好热，我哋要将啲头发剪到消防署要求嘅长短，在烈日当空步操，教官系真实嘅消防教官嚟，佢哋当我哋唔系演员，当我哋系新仔，会用教官好重语气去鞭策我哋，我哋著个对鞋操到两只脚踭损晒。”
饰演救护员的彦博在戏内救人就救得多，原来在十多年前做救生员时，也有救人的经历。“依加谂起都觉得好震撼，𠮶阵时喺泳池值班，离远见到有个婆婆喺泳池中间，在浮载沉，好似遇溺嘅状态，𠮶阵时自己啱啱考完牌系一名新手，𠮶阵时见到咁嘅情况非常之紧张，乜嘢都冇理到即刻攞晒救生用具，冲咗落水救人，当我游到埋佢身边，先发觉佢原来唔系遇溺，原来佢喺水底做伸展运动，真系有惊无险。”