【韦家雄婚礼】46岁单身戴耀明狂抄牌：阿嫂个亲细妹冇攞！

韦家雄今日（10月6日）与拍拖多时女友邓楚雅（Keynes）共谐连理，并在酒店延开28席大宴亲朋戚友。兄弟团之一的杨明大爆好兄弟戴耀明（小明）是急色狂，向姊妹团展开猛烈攻势又狂抄牌“攞电话”。杨明爆料：“我知道佢唔只攞一个半个电话，希望佢尽快揾返个女朋友。因为佢年纪都唔细，希望下一个主角系佢。”

【韦家雄婚礼】杨明爆戴耀明发女狂：抄晒姐妹团电话号码

韦家雄特意回儿时旧地影婚纱相：返当日住𠮶个门口影张相俾妈咪睇

韦家雄结婚超过80名艺人出席 超级绿叶兄弟团你认得几多个？

戴耀明接受《香港01》访问时，被问到姐妹团靓唔靓。戴耀明十分雀跃的说：“啲姊妹梗系靓啦，不过全部啲姊妹都弹我哋钟。我哋咁靓仔，问佢哋攞微信都唔俾，我哋都好努力咁尝试，但最后都被佢哋婉拒。啲女仔话我虽然靓仔，但冇安全感，话我花弗㖞，所以攞唔到微信。（杨明爆料话你攞咗电话？）冇！边有啲咁嘅嘢啫。杨明佢次次都砌我生猪肉，家雄哥结婚我哋唔做呢啲嘢嘅。（仲话你唔只攞一个电话，好似仲攞晒5个姊妹电话？）其实好似有6个姊妹，我抄咗5个，哈哈。不过仲有一个剩，𠮶个系阿嫂个亲细妹，阿嫂千叮万嘱，个个都可以整，唔可以整我个妹。虽然阿嫂落咗闸，我哋系同佢个妹会秘密地来往交换电话，叫佢唔好话俾阿嫂知，哈哈哈...”

戴耀明咁靓仔，拎电话话咁易啦。（点击图片睇靓相）