【嫁到这世界边端2】陈贝儿最难忘生死恋：韩剧活生生喺现实出现
撰文： 黄欣华
出版：更新：
为咗爱情，大家可以去到几尽？由陈贝儿主持的TVB真人秀节目《嫁到这世界边端2》即将在下周一播出。承接上一辑，陈贝儿7月开始先后走访法罗群岛、瑞典、波兰、希腊、土耳其及以色列等7个国家，继续寻访异乡人妻，为大家呈现一个又一个既甜蜜又辛酸的浪漫爱情故事。
记招上，提到陈贝儿日前因肾石剧痛入院，她透露身体已无大碍，但要听从医生指示每日至少喝上2公升水，帮助肾石排出。问到会否找个伴照顾自己，她笑言：“我希望可以更加识照顾自己先，当然有人可以喺身边定时定候提醒下我饮水、瞓觉同休息就更加开心，但依家我都OK嘅。（依家感情生活方面系？）依家？如果有就唔会搞成咁啦，但都READY接受另一段感情，但好多嘢都系整定嘅，所以往往最出其不意的地方就会出现爱情。”
讲到拍摄过程，陈贝儿透露今次旅程比上一辑更加精彩：“两个trip加加埋埋去咗成50日，去咗7个国家，拍咗9个爱情故事。我觉得今次嘅故事更加扣人心弦，而我自己嘅投入程度都比上一辑有过之而无不及。因为始终上一辑我仲沉溺于喺自己嘅故事当中，今次用一个重新出发嘅态度去感受人哋嘅爱情故事。”问到哪一个人妻的故事最难忘，陈贝儿称：“当然系打头阵的韩国，我一向都好钟意睇韩剧，都曾经幻想自己嫁到个Oppa。而今次采访咗段韩国生死恋的故事，个女主角有重病，但男主角都不离不弃。佢哋真系韩剧咁嘅剧情，原来真系活生生可以系现实出现。”
《嫁到这世界边端》上一辑好评如潮，更在《万千星辉颁奖典礼2017》得奖。对于新一辑的收视压力，陈贝儿就表示：“无谂咁多，希望故事可以感动到观众，唔想令大家失望，毕竟成队crew都花咗好多心机。而最搞笑系，啲人妻接我机嘅时候同我讲咗唔会喊，但你头先都见到，个个都喊晒，因为故事真系好感动。”