【蚀日风暴．专访】最美丽变性人Poyd不觉自己特别：我系个普通人

由张智霖、王阳明和薛凯琪主演的网剧《蚀日风暴》正于“黄Viu煲剧网站”热播，剧集甫上架即成为整个平台的收视冠军，非常犀利！除了一班主演的瞓身演出值得留意外，一众配角亦非常值得留意，包括有“最美丽变性人”美誉的Poyd！戏中，她与梁靖琪出身入死，但最后却因坏人逼害而中毒身亡。

近年，Poyd专注于大中华地区工作，先后为多套电影，包括《扫毒》（2013）和《赌城风云II》（2015）演出，同过张家辉、周润发等巨星合作，可算是泰国“最幸运变性人”，不过她从来不觉得自己比起其余30万由男性成女性的泰国变性人特别幸运：“因为我哋当中都有好多有才能嘅人，之前我去理工大学都有讲过类似话题，我觉得呢样嘢唔系单纯系跨性别人士嘅事，而系男女不平等同其他不平等嘅事，我好似讲远咗？讲返条问题先，我唔会觉得自己特别幸运，我只系觉得我系佢哋嘅其中一个，都系一个普通嘅泰国人。”

相对于泰国，香港绝对不是一个非常适合跨性别人士生活的地方，Poyd亦认同这个睇法：“我知道有个个案，事主已经变咗性，冇人知佢系跨性别人士，因为从外表睇，佢同真女人一样，其实佢哋唔想讲大话掩饰自己，但系佢哋亦都唔想畀其他人排斥，其实成件事系好悲哀。（应该要点克服？）千祈唔好谂自己同其他人唔同，因为我哋都系一样，你要强调自己价值，唔好等人哋畀机会你，要做最好嘅版本嘅自己，千祈唔好谂住抄其他人，唔好觉得自己嘅身分系一种罪过。”

至于在香港工作时曾否遇到歧视情况？Poyd即答谓：“歧视？我讲唔出，因为我从来都感觉唔到，至少我冇感觉到唔开心，或者系我唔多识广东话？哈哈！不过对我嚟讲，人生确实系好苦短，所以如果够能对人奉献，对人对自己先有意义。”讲到她广东话麻麻哋，问近年多次来港工作的她有否进步过？她笑谓：“我唔肯定呀，因为我唔系点样成日讲，但开工时剧组都成日教我讲，我谂𠮶时讲得叻啲。（仲记得啲咩？）我记得‘大家好’、‘好耐冇见’同‘好衰㗎’。”

点击下图观看Poyd其他靓相：