尹蓁晞Yumi扬言再出写真：我会操返之前嘅身型返嚟

𡃁模有市的年代，除了Angelababy、周秀娜外，亦有不少美少女出现，资深写真迷应该记得尹蓁晞Yumi，当年亦迷倒不是宅男，这位曾经是林建名旗下的艺人，昨日Yumi现身杂志周年活动，今年31岁Yumi原来还想再出写真，她说：“希望喺35岁之前影返辑写真，睇返自己以前啲相同依加，真系相差好远，𠮶阵时100磅唔都够，依家成130磅，睇到都有啲心噏，其实我都有做运动，都好注重健康饮食，上年我甲状腺出现咗问题，要长时间食药，食咗D药后水肿难分，所以你哋今晚见到我点解肥咗咁多系有原因嘅，不过我依加停咗药，我会操返之前个身型见大家。”

Yumi虽然而家状态未回到从前，但都大方现身见传媒，证明对回勇充满信心，相信全盛时期的她好快再重现，而Yumi昨日亦分享一些生活趣事，早前搬新居，网购梳化毛毡用品，用后全身痕痒，出现红疹，追查来源发觉毛毡满布跳蚤。“好惨呀，我喺淘宝买咗一张十几蚊嘅毡，用嚟放喺梳化到用，咬到我手同脚都系，连两只猫全个身都系蚤，最终搞到全屋都系蚤，烦咗我成个月，最后都要揾灭虫公司嚟我屋企灭蚤，张梳化都掉咗，用咗5位数字去灭蚤，真系大代价，依家上网买嘢都有啲惊。”

尹蓁晞亦越谈越多，回想由出道至今，新闻亦非常之多，当中最辛苦是由香港转战到台湾发展，她说：“系我台湾一个经理人朋友介绍 喺台湾由冇人识既model做起 因为台湾娱乐圈同香港圈子唔一样 喺𠮶边拍左多部广告 同客串偶像剧 综艺节目，喺台湾很辛苦 试过有几个月冇工作 为左生活平租住台湾既天台屋 ，试过户口冇钱 但工作既钱要等两个月先攞到，因为model公司系90日内出粮的，佢哋成日最后一日先出，所以都试过问台湾经理人借住钱先够生活，之后挨咗大约一年左右，开始多工作机会 最后一年因为工作证问题需要返香港 台湾系一个很好既地方 但我比较中意香港既生活。”𡃁模生涯绝对不是表面风光，看Yumi就知当中有几生活，不过经过磨炼，相信Yumi会有更加的将来。