【后生仔倾吓偈】港大孙志新hall专收靓女　点解冯盈盈望门轻叹

新一集《后生仔倾吓偈》以“港大的舍堂文化”为题，身为港大毕业生嘅冯盈盈同后连同应屈港姐亚军邓卓殷（Amber），加埋黄颖君（Burmie）一齐倾。众所周知，香港大学共有13间住宿舍堂, 2间非住宿舍堂, 分别为太古堂、 李国贤堂、 何东夫人纪念堂、施德堂、 利玛窦宿舍、马礼逊堂、李兆基堂、 孙志新堂、 圣约翰学院、利希慎堂、伟伦堂、利铭泽堂、大学堂、李志雄堂及康宁堂。虽然有咁多宿位，但入住竞争十分激烈，如非靓仔、靓女、有钱、有才能都随时被拒之于门外。

之不过身为港姐冠军嘅FYY就话佢未住过hall，而且仲要系三间宿舍都唔收佢，天理何在？FYY笑言入hall真系辛苦过选港姐。“我报大学时，咩测验都唔使就收咗我，但呢个简直系人生最大考验，佢哋问我有乜天赋，识打咩波，识咩表演，将我识嘅都带晒过嚟面试，但我当时好Fresh太细胆，觉得自己最大嘅天赋系个样，所以扮到靓靓，我只系着咗条裙去，点知就出事，个个都搬晒竖琴、大提琴、曲棍球拍、篮球出晒嚟，我就得条裙，我觉得我呢个武器几有杀伤力，但可能唔可以明文写有几劲 所以最后就失败了。”

喺英国留学嘅麦明诗问好奇问到底有几多人争宿舍位，陆浩明笑言同香港人争上车一样。邓卓殷（Amber）指在touch camp时已经会观察学生的性格，之后再进行面试，当年她申请施德堂时就系一击即进。