吴业坤唱周杰伦冧歌追女 屎桥唔怕旧：行沙滩望星空
撰文： 吴子生
出版：更新：
吴业坤今日（2/10）现身出席商台为新歌《神不守舍》宣传造势。相隔两年出个人单曲，今次MV远赴日本拍摄，以校园故事作为背景，坤哥表示自细好钟意睇日剧及动漫，所以今次可以满足下一己私欲。“我哋嘅制作团队好好，佢哋会推荐当哋嘅女优俾我拣，𠴱三个妹妹年龄17岁左右，我觉得自己即时变咗个大叔，佢哋都妹活泼，带到我入到新戏，好开心做到呢件事，人一世物一世，如果唔做，真系无乜机会做。”
坤哥自爆中学求恋期时，唱歌冧女行沙滩。“𠴱阵时我会约𠴱个女仔去唱K，会唱周杰伦啲歌曲，又会同佢搭巴士，过程好开心，又会去行沙滩睇星空，最终我都行咗两年时间，不过最后都和平分手，之后都冇再联络啦，𠴱阵时都好唔开心，回想起都成十几年前，依家会觉得人与人之间，相遇都系一种命运。”问到当时女友靓唔靓？坤哥笑言：“细过睇咩都靓。”