黎明由明福侠变身做明医师　著古装扮韩医拆解谬误

撰文： 洪晓璇
出版：更新：

男人最痛系啲咩？相信问十个十个都会话系“脱发”，尚记得今年年初有个中药增发产品，以“黎明都有用”作广告宣传，搞到LEON嘅经理人公司发出严正声明否认有呢件事。点知事隔大半年，LEON居然接咗个洗头水广告，仲著上韩服，由明福侠化身明医师。

今年一月黎明经理人公司先出声明，否认有接生发水广告。（FACEBOOK截图）
19年前LEON拍摄嘅法国洗头水广告，喺韩国相当HIT。 （影片截图）

其实LEON近20年前有拍过法国洗头水广告，用上《我爱花香不爱花》作广告主题曲，当年个广告喺韩国相当红架。事隔多年LEON再拍洗头水广告，仲首度以古代韩医角色，变身迷人Oppa，以轻松手法拆解坊间补发谬误！其实LEON本身头发又黑又密，护发都有佢嘅一套心得：“因为香港天气比较潮湿，最紧要洗得干净，洗完头用完明显会弹啲，入秋后用亦爽。”

著上古装韩服嘅LEON都系英气十足。
黎明主动公开囡囡可爱样：我的女儿...好胖呵呵黎明内地巡唱VIP包厢索价$27500　究竟抵唔抵买先？黎明停工两个月凑女首现身　心情大靓分享人生观黎明亲认BB已出世　激罕发嬲直斥爆料者“汉奸”