G.E.M晒股后继续性感　透视长裙若隐若现丁字裤

曾经获“时装车祸”嘅G.E.M，自从同造型师男友Mark一齐之后，打扮不时都有惊喜。上月以火红大露背泳衣庆祝27岁生日，大晒圆浑蜜桃臀，当时唔少网民都话接受唔到佢转行性感。

不过，你有你接受唔到，佢有佢继续性感，日前佢现身内地为《中国新说唱》录影时，一条连身长裙睇落无乜嘢，但为怕错过好风景，G.E.M特意提提大家：“P.S 裙子的亮点请自行寻找”并加上几个无眼睇嘅emoji。所谓的亮点，怕且都系指条裙近大腿位置系透视嘅，G.E.M特地以黑色丁字裤上阵……虽然G.E.M关闭了微博评论功能，但网民对呢身打扮都几暴动，当中有赞佢“感觉腿好长”，亦有接受唔到嘅网民索性自己动手将透视部分填色。