Joe Junior谈“乐坛之宝”称号由来　个名原来系曾志伟改

Joe Junior昨日（29/9）在马鞍山出席保良局慈善奖券暨“爱心献保良”筹款活动。Joe Junior透露今个月做了很多相关慈善活动。“中秋佳节都有去派月饼畀啲长者，陪吓佢哋倾下偈唱下歌仔，带多啲欢乐畀佢哋，呢一样嘢系最紧要。”

提到Joe Junior将于11月3日在湾仔伊利沙伯体育馆举行《跨越半世纪2018演唱会》，他说：“上年开唔到演唱会，今年可以开返，心情非常好开心，好多谢我经理人及主办单位，佢哋叫我做乐坛之宝，我谂下点解叫乐坛之宝呢，谂起最初叫我呢个名嘅人叫做曾志伟，咁我就多谢佢哋叫我做乐坛之宝，唔当我系草，虽然我唔系最好，但系我会无线精神做到最好。”Joe Junior透露演唱会嘉宾有修哥、其他小生就唔得闲，仲话修哥表示演唱会当日唔会再唱《青青河边草》，到时会唱啲英文歌俾畀大家听。