许秋怡上台献唱老公王书麒突来撑场：我哋见面时间真系少
撰文： 吴子生
出版：更新：
保良局慈善奖券暨“爱心献保良”筹款活动，今日（29/9）于马鞍山举行开售剪彩礼，许秋怡以嘉宾身分前来支持，并上台献出名曲《千个太阳》。秋怡做访问时，老公王书麒突然撑场，令秋怡大为惊喜。“我连续喺内地登台做咗十几场，老公又要拍戏，变相我哋两个冇乜机会见面㗎，因为大家有个善心，所以上天就俾一段时间我哋见几个钟。”书麒表示：“太太成十几日都唔喺香港，来来回回都知佢好辛苦，所以都会来撑场支持下佢。”
秋怡被问到会否开个人演唱会？秋怡就话：“其实自己就冇认过嘅，但都好多人有揾过我，咁但系对于我嚟讲，始终我呢个岁数啦，其实做嘢之外家庭都好紧要，我觉得做人最紧要开心，暂时对我嚟讲未有呢个心愿，知道开演唱会，有好多事前准备要做，唔想俾自己太大压力。其实成日要去内地做嘢，舟车劳顿，瞓嘅时间又少，把声可能又会沙咗。”书麒在旁打趣说：“不如咁啦我去开一个冇歌嘅演唱会啦，哈哈。”秋怡笑话：“我第一个撑场，哈哈。”