邵珮诗去泰国内陆照样影到水著相　妈咪操刀为网友争取福利

2014年港姐冠军邵珮诗（Veronica）最近到了泰国清迈旅行，不要以为清迈位处泰国北部，周围没有阳光海滩，她便好难向网友帮派发福利。昨日（28日）她便在社交网站中公开一张泳衣相，以三点式示人的她便大晒傲人身材，睇到相片的朋友仔不禁屏息静气，完全留意不到她在贴文中分享自己的体会：“To every city i visit, i’d say to myself. Have an open mind to experience the culture and its people, don’t use your own expectations/values and every little thing feels much more interesting.（每当我去其他城市，我都会同自己讲，要扩阔自己胸襟去体验人哋嘅文化、认识当地人，唔好用自己嘅既定眼光去判断，咁样就算几小事都会变得有趣。）”

虽然邵珮诗身材好好，但其实她甚少贴水著相让网友“享福”，在贴这张福利图之前一日，她已经贴了一张由远处拍摄的水著相，当时就有网友睇完觉得未够喉，仲留言话：“如果你可以Post多张泳装相畀我哋睇就好喇！”真的会把福利加码？邵珮诗接受《香港01》访问时便说：“系得呢啲咋，因为影𠮶日已经系喺清迈最后一日，系得𠮶日去咗泳池，而我都系得呢套泳衣。”

邵珮诗又笑指自己亦觉得这辑水著相确是有点过分：“特别系𠮶一张Selfie，因为平时真系唔会咁性感，咁啱呢件Bikini要扎得好实，所以先有呢个效果。”至于哪位仁兄为她影相？她坦言：“其实我系同妈咪去泰国嘅，我已经训练到我妈咪影相好靓，我话收货先得，所以佢成日都叫我做老细，女仔睇嘅嘢唔同男仔睇嘅嘢，如果系叫男仔影，一定会觉得我好烦，同埋同妈咪去可以住得好啲。”

点击下图观看部分邵珮诗未公开的相片：

点击下图观看邵珮诗其他靓相：