倪晨曦搭港铁遇抽水：我问佢你做乜嘢

倪晨曦(Elva)今日（28/9）以代言人身分出席科技美容旗舰店新张开幕活动。Elva天生丽质，肌肤亮白透亮，原来女神在护肤上都有过惨痛经验，令她痛不欲生。“当时读梗中学嘅时候，听人讲有只洗面奶好好用，系奶状嘅，话系块面度系咁搓，啲死皮及污秽嘢就会走哂出嚟，咁我特登买咗返嚟用，咁我就系咁喺两个脸珠度系搓，当时见到系有啲嘢走出嚟，当晚好开心，觉得自己成功咗喇，点知第二日一起身，见到自己成块面烂哂，当时好惊唔知点算，即刻去睇医生，医生同我清走成面啲粉刺及脓疮，用咗大半年先可以将啲印退走哂。”

Elva更表示几个月前乘搭港铁时被人故意抽水，讲起当时情况Elva都好嬲。“我𠴱日着咗条短裤出街，去咗搭港铁，当时车站内冇乜人，我行紧嘅时候，有个男人由我身后行到我前方，突然之间转身，差啲俾佢只手点到我敏感部位，我𠴱一刻用手拨开佢，仲问佢你想仲乜，个男人扮冇嘢走开，其实点解我会洞悉到佢嘅行为，因为我之前都有咁俾人故意抽水，有啲男人会故意行得急为借口，只手会揩落你大脾度，然后若无其事，以前会唔知，但试得多个人学精咗，所以我依家都警觉性好高，遇到咁唔尊重嘅事我一定会出声。”