麦美恩获碧咸亲邀合照开心到面红红：好似发梦一样！
撰文： 赵允琳
出版：更新：
麦美恩（Mayanne）昨日（27日）出席护肤品品牌开幕派对。Mayanne表示自己虽然平时好像粗粗鲁鲁，但身为女仔都很注重保养：“细细个已经好重视自己对眼，话晒都系灵魂之窗，大家见到我冇乜眼纹，我中学嘅时候已经食好清，同埋好识得搽eyecream（眼霜）！”Mayanne指今天能够没有眼纹及眼袋全因贪靓的妈妈：“我妈咪喺我细细个教我点样去按摩啦，点样打圈啦，令到而家啲眼纹同眼袋keep得好好嘅。”
Mayanne笑指小时候没有太多钱购买护肤品，都会用天然的食材自制面膜：“蛋白我会敷面啦，会又白又滑。另外我会用麦皮敷面，都系一个几好嘅方法嚟嘅。”她认为保养需要内外兼备，除了外敷，饮食尽量保持清淡也很重要。
早前Mayanne在社交网站上载与万人迷碧咸在香港出席活动时的合照，她笑指做司仪最好的得著就是能公器私用，但是能跟碧咸合照真是意料之外：“其实我系本来系冇机会可以影相，影完晒所有客户嘅相之后，我谂住讲拜拜唔该晒碧咸咁，点知佢专登问我‘Would you like to have a photograph as well（你想不想也跟我合照）？’我简直面都红晒！（有人叫你hands off （放手）㖞！）𠮶个系咪黄心颖啊？黄心颖梗系叫碧咸小心啲啦！因为可能惊我会攻击佢！哈哈！”