【古宅首映】张继聪首度与朱茵合作　演对方儿子：佢对眼识讲嘢！

张继聪昨晚（27/9）出席铜锣湾举行的电影《古宅》首映礼。首次与朱茵合作拍摄惊栗片，阿聪在戏中饰演朱茵儿子，当接到这个消息大为惊讶。“一听到嘅时候，心谂唔系呀，可以同女神合作？以前做观众睇佢啲戏，已经好钟意佢，睇佢以前啲戏系好有灵气，好容易俾佢吸引住，而家同佢演对手戏，佢对眼真系识讲嘢，佢真系一个好好嘅对手，佢好容易令对手入戏，演戏好细腻，我哋系片埸等埋位嘅时候，大家都会倾吓拍戏嘅趣事，佢又会分享佢𠮶个年代与现在拍摄嘅分别，同时大家都系校友，都会倾吓读书时嘅往事，实在太开心。”

早前杨怡被传媒潜入屋苑，偷拍家中情况被撞破，同属于一个屋苑的张继聪表示愤慨：“冇眼睇，我哋之后梗系有同屋苑反映啦，其实传媒朋友同我哋艺人应该系一个好紧密嘅关系，系应该互相尊重，我觉得有阵时有啲底线过咗，冇咗一啲嘅专重喺度，咁唔系几好，虽然我哋都系做幕前但都会同屋企人住，每一个人都有私隐，所以希望以后都唔好有任何嘅传媒，再做以上嘅行径，潜入私人地方偷拍，咁样系唔应该，相信系个别事件，希望大家互相尊重。”