【古宅首映】朱茵拍摄后情绪受困扰　要靠揽住囡囡减压

朱茵阔别大银幕多年，今晚（27/9）现身出铜锣湾举行的电影《古宅》群星首映礼。朱茵透露接拍《古宅》这部电影原因是自己好喜欢惊栗片：“呢套戏嘅剧本我好钟意，今晚呢个首映我一早话咗畀阿Paul知一定要陪我睇，因为佢支持咗我咁耐，我好希望喺戏院里面同佢一齐欣赏，我一路都冇透露过造型及剧情系点呀，希望佢睇得开心。”

由两位新晋导演打造惊栗片《古宅》，故事讲一对母子在百年古宅里面发生一连串怪事，惊栗之中探究比鬼魂更恐怖的内心阴暗面。朱茵直言：“其实拍摄嘅过程压力好大，呢部电影好高压，每一场戏都讲我屋企有好多灵异嘅事发生，咁变咗会维持喺过𠮶个情绪好高压嘅状态底下，所以返到屋企都会有啲影响嘅，但好彩喺香港，有老公囡囡有屋企，揽住个女又会减到啲压，送佢返学嘅时候又晒吓太阳个人会好啲。”