【星光熠熠耀保良】陈晓华中秋节狂食月饼：食滞咗睇医生

香港小姐冠军陈晓华（Hera)连同三位应届港姐，出席《星光熠熠耀保良》探访长者活动，并与长者一齐做热身操，大玩反应游戏，现埸气氛热闹。Hera 表示读大学时期修读护理系，都会经常到院舍实习，便会接触多了老人家，她在接受《香港01》访问时说：“见到佢哋都会经常笑，同佢相处觉得好开心，喺佢哋身上我体会到做人唔好咁执著，因为佢哋对于生死或自己嘅病都唔会抱住咁大嘅执著，可能佢有病痛嘅时候，都会鼓励自己都要尽力令自己开心，而我哋依家年青人都未必会做到嘅嘢。”

Hera由参选到夺冠期间，积极锻炼自己，从外表及内在都要准备就绪，内心承受极大压力。她指：“虽然依家选完，但做访问都会有啲紧张，仲要慢慢适应，但相比之下系冇之前咁大压力。最近中秋节，我放纵咗少少，自己好钟意食奶皇月饼，一次过食四五个，可能食“滞”咗，个人开始病，病咗几日，之后睇医生要食药。”

袁咏仪早前在ViuTv《大明星》毫不忌讳，评论香港小姐竞选似选艺人多过似选美。Hera直言：“其实我觉得香港小姐内在美都好紧要，靓嘅女仔周街都系，虽然竞选期间会有才艺表演，可能会带来压力，但咁样嘅比赛形式系鼓励我哋成长，过程中会推动我哋更加投入去做一啲嘢，系会令我哋成长嘅。”