【再创世纪】黎振烨曾放弃演员梦　太太安慰：唔好再谂养我唔起

现年32岁的港男冠军黎振烨（Jackson）最近在热播剧集《再创世纪》中饰演热血工头，凭沉稳的演技，在剧中表现亮眼，得到不少观众赞赏。“我都唔知哪来嘅力量令我继续做演员。”Jackson回想起自己2009年毅然放弃做前途本应无可限量兼高薪厚职的时装设计师，而去参与无线电视第23期艺员训练班入行，做足八年“茄喱啡”，更曾为收入不得不全身涂满蓝色的颜料扮“阿凡达”，Jackson都笑言这些年来，自己多多少少也有些不堪回首的往事。

“参选香港先生真系我人生一个重要的转捩点，因为终于有人认得我同埋得到依家嘅机会。”Jackson透露参选前，曾想过要放弃多年的演员梦，找一份正职脚踏实地生活，他称：“我试过同太太讲不如我做返设计师或者将演员转做part time，因为我继续做落去，可能都系一事无成。”但在Jackson对自己前途感到徬徨无措时，Jackson太太就安慰说道：“其实我依家份人工都OK，唔好成日谂养我唔起，你全心全意去做你的事业啦”，太太的这段话令Jackson至今仍相当感动。

Jackson夺得港男冠军后，理应备受公司力捧，但同届的亚军丁子朗工作机会明显较Jackson多，发展亦比较好。问到会否羡慕丁子朗，Jackson表示：“梗系唔会啦，我都好开心佢有咁好嘅发展。我入行咁耐咩都睇化晒，每个人都有自己独一无二嘅路要行，最紧要做好自己。虽然我条路行得比较长，行得唔系好，但相对地可以磨练到自己，令我有一个好嘅底子。我成日觉得自己无头段嘅努力，依家肯定死梗。啲人成日话我无嘢做，其实我keep住都有工开，只系剧集拍完，可能隔成年先出街，大家嚟紧都会多啲见到我”

Jackson亦透露自己是个积极而且有斗心的人：“男唔男主角，我唔会谂。但我希望以后会想有一个可以代表到自己的角色。我觉得努力系好基本嘅嘢，但有时唔需要太强求。其实有足够嘅努力，条路自然会出嚟俾你行，我都希望演员能够成为我终身事业，亦都能够靠呢份职业养家活儿。”

忙着拍摄《机场特警》的Jackson亦透露除了忙于工作，最近亦积极与太太实行造人计划，他称：“我哋都好积极嘅，做晒中西医检查，都话我哋好易有，但仲未有消息。（唔怕影响事业？）唔怕，我相信有自己嘅BB会系一个好难忘嘅经历，好幸福嘅事。”