【超模2018】陈静拍新戏　获度身订造角色超兴奋：男主角任我拣！

陈静（DaDa）周六晚（22/9）现身澳门举行IFSM国际时尚超模大赛2018。DaDa表示首次担任超模评判心情兴奋。“超模大赛一听个名可能大家会谂，身材要好高䠷，但我觉得身形个比例重要啲，唔一定要好高，但气质好紧要，才艺方面我会比较欣赏表演舞蹈及乐器嘅参赛者，我几钟意女仔弹结他。”

DaDa养尊处优一段长时间，今年年尾将会复出拍电影。“有一部戏由公司安排我去做嘅，特别为我度身订造，系一部女性主义嘅戏，呢个我好期待，其实我入咗行咁耐，冇一套戏系代表女性嘅作品，所以我想做一啲帮女性说话嘅角色，呢样嘢一路都系我梦想嚟嘅，男主角方面公司话可以任我挑选，系好开心嘅，不过讨论过，希望揾到一个同我有默契嘅，要有火花，边个都冇所谓嘅。”