【银魂2】郑世豪有桥本环奈唔爱宁要坤哥　“佢真系好似新八”

郑世豪昨日（21日）出席电影《银魂2：规矩是为了被打破而存在的》首映礼，他表示虽然自己没有看过漫画原作，但看过电影第一集就爱上了整套动画。被问到喜不喜欢女主角桥本环奈，世豪竟然向坤哥（吴业坤）示爱：“我都系比较钟意（男）主角（新八）多啲，因为佢真系系好似坤哥！做劲歌金曲季选嘅时候我哋要扮动画造型，佢同呢个动画一模一样。”他希望之后能再有机会跟坤哥一起cosplay一下。

电影以“打破规矩”为中心，他自认自己比较循规蹈矩而局限了自己，希望能借鉴电影，对打破规矩有新的看法。世豪亦希望在音乐上能作出一些新尝试：“喺歌曲创作上面，目前为止都做咗好多自己心目中想做嘅音乐，系时候要打破一啲规矩，跳出正常嘅框框去推出新嘅歌，等大家对我嘅感受有啲唔同。”他亦称自己一直不敢玩刺激的极限运动，希望都能冲破恐惧挑战一下。

早前世豪于社交网站发文指自己遗失了$1,900元现金，但现在却说很感激小偷：“我𠮶日系去提款㩒咗$1,900蚊出嚟，一攞完钱之后就折埋咗袋咗落背囊度，跟住就去打篮球。打完场波出返嚟，叠钱就唔见咗啦！（所以个银包系无唔见到嘅？）银包系无唔见到嘅！𠮶个人好有良心，净系攞咗我叠钱啫，佢无攞我身份证、信用卡啊，我要喺呢度多谢佢。”