【黄金有罪】80后姚子羚未用过Call机：月费成几百蚊真系好贵

无线新剧《黄金有罪》一众演员今日（21/9）出席电视城举行的造型活动。故事题材以香港70年代作为背景，当年经济发展迅速金融行业盛行，发生多宗金融骗案。故事讲述姚子羚、萧正楠两人先后到张兆辉股票行工作，子羚因而爱上张兆辉，并在剧中展开三角关系。子羚话：“套剧讲我本身屋企有啲钱，老豆因欠债走咗佬，剩低我哋三母女，后尾去咗萧正楠屋企住，佢屋企同样有三个男人，对住我哋三个女人，萧正楠因而钟意咗我。”

此外，子羚透露在剧中会有三个不同造型，随著故事的发展，之后会变得成熟，穿著返读书的时候“Y”字头品牌的喇叭牛仔裤，为配合个假发，还要将前面的头发剪短。“今日我呢一个打扮系一个Call台妹造型，令我回想起当年冇手机年代，自己读书嘅时候真系冇用过Call机，月费成几百蚊真系好贵，后期储咗好耐钱，等到出我人生第一部“折机”手提电话。”萧正楠表示：“我哋拍呢个年代嘅发型真系又厚又长，短时间真系留唔到，戴假发就最快最似，不过后期会变得成熟啲，同张兆辉揾到钱，成个造型都会改变，之后我可以用返自己头发。”