郑秀文盛赞钟楚红摄影有天分　自嘲冇sense：我影啲相好呆板　

郑秀文（Sammi）今日（20日）以一件露背白色T-shirt衬黑色皮革裙亮相铜锣湾，为“米奇诞生90周年”展览揭幕。活动上，米奇公仔和Sammi大玩锡锡，氹得她非常开心，Sammi也说今日见到米奇老鼠“真身”特别兴奋，勾起不少童年回忆。

上星期日（16日）“山竹”袭港，不少屋苑、写字楼、公共设施等都受到严重摧毁，Sammi表示当日自己屋企还好，同时也在密切留意市民的安全：“屋企露台落咗个铁闸，咁就遮咗好多风，但系𠮶日都会成日留意住个新闻啦，睇下个天气嘅变化，同埋最重要就系睇下有冇市民受伤，最惊就系呢一样嘢。”

日前Sammi和钟楚红（Cherie）、甘比一齐欣赏红姑的摄影作品，她盛赞对方有天分，讲到自己对摄影有无兴趣时，她便即刻否认：“咁又冇㖞！我对摄影系完全冇sense嘅，我影啲相系好呆滞、好呆板。”不过，Sammi就坦言自己好钟意看展览，如果出埠或者旅行时，可以配合到时间，自己都会抽空看展览，类型就离不开fashion：“钟意睇时装嘅展览啦，或者家私嘅展览，特别钟意睇家私嘅。”

Sammi今日凌晨就起身准备工作，之后便开始拍广告，还要赶场出席活动，都咪话唔辛苦。今个星期日就是中秋节，不过Sammi说自己连同整个团队都要工作，所以没有办法和家人一齐吃饭。