单文柔新婚收大礼包埋骨灰龛位？　陈展鹏：有心理准备多个屋企

陈展鹏与单文柔公布婚讯后首次同场出席公开活动，二人笑言：“系呀，好似我哋宣布之后首次同场出席活动，其实我哋成日一齐岀席活动，不过只系称呼上唔同咗。”问到二人习惯叫对方做老公或老婆未？文柔直言自己是比较传统：“我要等真系结婚先会叫嘅。”而展鹏则表示多了一个称呼：“宜家叫我人夫啦，真系越嚟越多称呼，要慢慢习惯一下，但系一件开心事。”

二人婚礼在十月举行，二人准备成怎样？文柔指准备得还好：“其实想嚟嘅屋企人可以开开心心。”但婚礼上展鹏会准备什么惊喜给她？“一定会有，不过而家唔讲住啦，其实有少少紧张，但都系希望想件事做得好。”在旁的文柔拍拍展鹏膊头，说到不用害怕。最后展鹏说到婚礼一生人一次，希望尽量做到尽善尽美。

文柔于访问中说到展鹏为她做了很多事情，十分感动，问到最感动是不是买了房子送给她？展鹏抢著回答：“大家明㗎啦，娱乐杂志写嘅，大家睇下笑下咪好，但我已经有心理准备多咗一个屋企。”而日前更有报导爆出展鹏豪花200万买骨灰龛位，文柔说到：“其实而家我哋办喜事，呢啲我哋唔答啦，我唔系迷信，但始终系唔吉利。”