【再创世纪】周励淇参考特首　学林郑演女强人：系深藏不露嘅

周励淇 (Niki) 于无线剧《再创世纪》中饰演卓定垚一角，由最初头几集所演的少女脱变成金融界女强人，Niki坦言两个阶段都好有挑战性。她说：“非常之难演，一开始系天真无邪嘅有钱女，自己经历咗好多嘢，要演返一个入世未深嘅女仔个反差好大，佢要系无咩表情，一啲唔似做紧戏咁，要keep住一个呆样。”

至于演女强人方面，Niki就话自己有模仿现任特首林郑月娥，她说：“导演叫我参考吓香港嘅女特首，所以我都有参考特首林郑月娥，睇下佢啲表情动作同讲嘢时嘅语气神态，结果发现都系无咩表情嘅，唔会将真实嘅情感流露出嚟，而系深藏不露嘅，听完佢讲嘢都唔会知佢其实谂紧啲咩。除咗佢，我仲参考咗好多高官，都系差唔多。”

Niki话其实她好想演郭晋安的角色：“安仔个角色好好玩，好多表情动作，我自己个角色好抑压，系一个唔开心同悲惨嘅角色，就好似一只小白兔而周围出现咗好多狼，我就要披狼皮嚟面对佢哋咁。呢个角色同真实嘅自己一啲都唔似，所以我系拍到有少少崩溃，喺深圳拍咗成3个月要不断食嘢嚟减压，食到肥咗要畀导演提我注意吓。”

摄：梁碧玲

发型：Debby@Hair

化妆：Navi Lam

服装：soeur from rue Madame

场地：FUMI

睇下Niki啲剧照啦。