澳门受台风“山竹”吹袭　麦嘉欣：几蚊卷胶纸炒到50蚊

2017年国际澳门小姐代表麦嘉欣（Sofia)，今日（17/9）出席旺角首间无人24小时健身中心开幕活动，担任剪彩嘉宾。台风“山竹”袭港，造成庞大破坏，澳门无一幸免。“我哋过边澳门情况都好恶劣，有咗上次台风“天鸽”吹袭经验，已经预先做好防风措施，将啲玻璃黐晒胶纸，听朋友讲一卷胶纸价值几蚊，但炒到50蚊一卷，半夜听到啲风声都好惊，好彩今日个风球减弱咗，我先可以今早搭船过嚟出席今次活动。”

当年港姐雷庄儿夺军充斥负评，网民称赞国际小姐澳门代表Sofia索爆，形容一个天一个地，惨不忍睹。由细到大Sofia都会好留意香港小姐竞选。“每届都会坐喺电视机面前睇住港姐选举，当晚我觉得雷庄儿表现都非常之好，都觉得佢值得攞呢个冠军，可能大家嘅目光唔同，各有喜好唔同啫，而今届港姐我估中哂三位，不过次序就错咗，我谂住冠军喺丁子田，亚军喺陈晓华，不过佢哋表现出色，得奖喺实至名归嘅。”