【后生仔倾吓偈】模仿网民留言方式　麦明诗：我想好想跪喺度……

“高登”和“连登”系唔少年青人的聚居地，因为时下玩乐、焦点、社论等主题都有一大堆，而身为贴地港姐的冯盈盈亦曾经话过不时会上连登，新一集《后生仔倾吓偈》以“网络花生友”为题，一众KOL同几位主持都特别投入，FYY一开始就话曾经在讨论区有个po系推断佢帐号名系乜，佢自己睇完众人的分析后都觉得十分精彩，更笑言呢粒花生好好食，之不过，到底FYY系未真正讨论区会员呢?佢就连番咁话:“我真系无account，我净系睇。”而麦明诗亦都话“开account真系太麻烦”。

虽然大家都话自己无ac，但对网民于讨论区嘅留言方式都十分之了解，例如系唔少人都用“利申”一词，麦明诗就以“冯盈盈晚晚都叫到好大声”作为例子，当大家七嘴八舌指花生友一定会点留言时，麦明诗就好细声咁话“利申我同佢搞过”，之后到佢再讲时，似乎怕去得太尽，“利申我同佢……乜……”讲到口窒窒，六号在旁温提要小心啲 ，即到麦明诗硬吞返想讲嘅嘢落肚，取之代之系一阵傻笑。

六号之后“十四巴港女”事件，与一众KOL模仿巴打、丝打会在讨论区如何留言，FYY即时表现兴奋，更指好难控制力度，因为可以去到好尽，并指自己因为被人闹得多，所以最识点闹人。结果麦明诗同FYY不约而同咁写咗“我都想疯狂被佢啪啪啪”，麦明诗之后仲话“如果FYY比人影到喺街打男友，佢哋就会全部系咁J，我想好想跪喺度帮佢唔知乜……”愈玩愈开心，之后众人又以“发现女友帐户每日多二千元”为题，模仿网友会如何留言，FYY好快就写出“你就fat fat啦”并表示会用绿色字体，即获众人赞好，更一致认FYY绝对系资深“CD-Rom”。