明日花绮罗来港孖Rose Ma拍片　出浴兼讲日式广东话劲可爱

日本人气女优明日花绮罗早前来港，与港版“暗黑明日花”Rose Ma（马俊怡）同场，网友除咗惊叹佢地真系好似样，亦相当好奇到底呢次合作拍啲乜。呢日谜底终于解开，原来这对哎吔“twins”一齐拍摄广告。

饰演家姐嘅明日花，一开始就浸牛奶浴露出一双玉腿睇，妹妹Rose就喺大厅瞓梳化一路睇片一路嗌，引来住隔离左右嘅张建声、肥肠、珈其同赵永洪喺门口偷𥄫，最后一仆一碌冲埋入屋。明日花更入乡随俗，以日式广东话讲咗两句对白：“咩事咁嘈呀？”、“我想睇爱情动作片多啲！”

出名身材火辣劲爆的明日花同Rose，于片中齐齐着迷你白色 tube top 上阵，性感程度令人鼻血直流，Rose谦称身材唔及明日花：“佢身材好好多，我好多肉架，佢骨架真系细 。”最搞笑系身为 KOL 的 Rose 身经百战，但对住明日花忽变小fans，惊惊青青怕怕丑丑，不过就猛赞对方五官精致好靓女。

明日花虽然言语不通鸡同鸭讲，但工作态度非常专业，浸浴缸浸咗接近一个钟，水由热变冻再加热又变冻都冇怨言，中途仲要食一碗云吞面增添 energy。而首次来港嘅明日花既亲切又友善，当日更被几位拍档不停集邮留念。