自爆修读演艺期间曾约会　潘灿良：见到苏玉华就好似见到阳光！

有“剧团王子”之称的潘灿良昨日（15/9）为梁泰来主持的电台节目《1圈圈星光背后》担任节目嘉宾时，大谈与女友苏玉华的相识经过，直言“见苏玉华如见阳光”，亦自觉二人性格虽不相似，但很合得来，而谈及二人的婚期，潘灿良坦言因为懒惰而迟迟未结婚。

潘灿良与苏玉华早于香港演艺学院读书时已经约会过，后来又双双加入香港话剧团。被问及苏玉华给潘灿良的第一印象时，他说：“佢畀我嘅第一印象就系见到佢就好似见到阳光咁，佢经常笑，畀人一种好活泼好开心嘅感觉。最初有约过佢，但最后都唔成事，可能当时各自都有自己嘅选择。其实喺香港话剧团嘅时候，我哋唔系一起，只是同事而已。直至她离开话剧团，因《我和春天有个约会》成名以后，我哋后嚟再合作《人间有情》就再遇上，才慢慢开始（发展）。”

谈到两人拍拖22年，至今仍然非常甜蜜。能够维系感情这么久，潘灿良表示除了背景相似，性格上能互补不足也是原因之一：“我哋会开始系因为大家嘅背景都很好接近，一齐相处之后，亦发现互相性格都系合得嚟。性格合得嚟意思并唔系个性相似，我同佢系完全唔同。我比较柔弱，又比较保守稳重一啲，但佢就系比较勇敢、开放啲。我哋一凹一凸，其实某程度上系配合得嚟。我欣赏佢好有胆色，有时我都会畀人悲观嘅感觉，但佢就系好乐观嘅人，所以佢喺呢方面能够影响到我。”

另外，其实潘灿良已经多次求婚，苏玉华也答应了，但至今仍未正式结婚，他坦承是因为懒惰：“结婚嘅仪式系绝对可以做，不过或者我哋双方都比较懒，我哋不时会想结婚，但隔一阵就会放低咗。加上我哋觉得依家状况好好，大家都认定对方系余下人生嘅另一半，对我嚟讲佢已经系我嘅家人。”