杨明护花撑女友庄思明反被闹：原来有些网民系咁恶㗎？!

冯盈盈 (Crystal) 日前于有份主持的无线节目《后生仔倾吓偈》中，因为与另一主持麦明诗 (Louisa) 讲到港姐嫁有钱人时，她表示：“如果我哋嫁畀有钱人，就畀人话睇死佢啦！想吊金龟啦！系鸡，系公厕！”她这番“系鸡系公厕论”一出，随即惹来极大的回响，就连历届的港姐师姐都有批评Crystal。

当中庄思明 (Lisa) 就话：“成个感觉好cheap，对自己形象唔好，亦有损港姐嘅形象。”而Louisa就于IG开post撑Crystal，又暗寸Lisa妄下断言，令骂战一触即发，不过并非她们三女的骂战，而是粉丝同网民的骂战。

一班支持Crystal的网民就大闹Lisa，又指她多事，甚至于King Jer的IG相关post下面继续留言系咁闹。Lisa的男友杨明 (Mat) 心痛女友被人闹，就于King Jer的IG post度留言护花，话Lisa当时只系回应记者的问题，唔明点解发表自己的感受都要被人闹，仲话：“喺节目中乱讲嘢𠮶个就反而无问题，我真系唔明网民系咩心态！”强调自己绝对支持女友Lisa，又叫大家就算唔认同也不要人身攻击同抹黑她。不过Mat的留言一出，结果系唔少网民连他都闹埋。

Lisa亦有于她的IG story先后写了两段文字抒发自己的感受，第一段是结所有Haters的﹕“……你们会想尽办法用最毒的字眼去伤害那个不认同你的人！这种思维很恐怖，但我不会畏惧！”而另一段就是讲自己做人从来都是对事不对人的，但好明显有些人并非如此，她不想再讲了，因为根本无道理可言。

而Mat都有于他的IG再度维护女友，发长文表示：“今日睇到有网民不断人身攻击思明，我有点惊讶，惊讶嘅系原来有些网民系咁恶㗎？! 思明从头到尾都系对事冇对人，记者问佢听到呢啲用语喺节目出现有什么感觉同见解，佢祇系答咗自己对这些用词嘅感觉啫，都唔得？

唔系咁恶吓嘛！唔通同你哋嘅思维唔同嘅人就系你哋嘅敌人？咁成世人咪好唔得闲？

各位大侠，如果真系觉得自己支持嘅想法系有道理嘅，点解唔用你哋嘅键盘将你个理由同真理讲出嚟，睇吓可唔可以改变到人呢？真系觉得攻击系一个好方法？

我哋虽然系唔红嘅艺人，但亦都系一个人，好多嘢我哋都识讲，系睇下我哋讲唔讲又或者啱啱场合讲嘅啫，你哋都可以通街疴屎㗎，够哂贴地啦…你哋唔疴…？唔识尊重别人你都会尽量尊重吓自己吖…系咪？世界好大㗎
，多啲出去晒吓个太阳接触多啲唔同嘅人，晒萤光幕唔系生存嘅唯一方法! 大家一齐加油啦。”