【台风山竹】卓韵芝无惧风雨嫁爱郎　不怕山竹搞乱档：又名夫妻果

卓韵芝（阿芝）今日举行西式婚礼，邀请圈内外好友一齐开Party，有最强姊妹团陪嫁，阿芝接受访问时更直言超级台风“山竹”令她的婚姻更顺利，而郑秀文（Sammi）、梁咏琪（Gigi）、蔡卓妍（阿Sa）亦有会见传媒，三人著上统一粉红色系但不同款裙，各具优点， Sammi型格，Gigi优雅，阿Sa活泼清丽。现场采访：吴子生、协力：陈栢宇

才女卓韵芝和从事电影美术的“闪电侠”梁子贤今日（15/9）在中环外国记者会举行婚礼。新娘阿芝在晚上九点左右接受传媒访问，她直言整个过程都令她非常紧张：“我冇谂过自己都会眼湿湿！（先生都好紧张？）佢一定紧张啦，佢唔系幕前，对住公众咁多人讲嘢㖞！佢寻晚已经好紧张，系咁讲‘听日娶老婆、听日娶老婆、听日娶老婆’。”又谓事前不知道老公发展感言时会讲甚么：“我系第一次听，知道对佢嚟讲家庭真系好重要，佢话佢以佢爸爸做榜样，我都听得眼湿湿。”

问婆婆见到孙女终于出嫁是否倍感高兴，阿芝即笑指婆婆最开心是可以饮酒：“其实几日前佢见到我着褂佢已经好开心，而家佢最爱嘅嘢都喺晒度，所有亲戚都喺加拿大、挪威两度返晒嚟，我婆婆可以一次过见晒所有女、孙同埋曾孙。（婆婆有冇同你讲啲咩？）佢话两公婆最紧要系互相忍让、互相礼貌对待。我都有问佢婚姻系咩，而佢都有一段好美满既婚姻，直至有一日公公离开咗仙游，不过婆婆就唔知呀，见步行步！即系每段婚姻都有唔同处境，要保持住学习心态。”又笑指婆婆经常催他们生B亦坦言要等工作办妥后才可以去阿根廷度蜜月。

提到超级台风“山竹”袭港，问他们会否担心影响婚礼？阿芝就指从来没有特别担心过：“天嘅嘢担心唔嚟，我都有问我先生有冇担心，佢话唔担心，佢有念力！其实我都有揾过山竹到底系咩植物，我先知原来佢又名‘夫妻果’，所以都算畀咗个机会我哋顺利开到个Party。”

之前阿芝形容自己是“佛系新娘”，对婚礼细节不太执著，做过多次姊妹的阿Sa 也笑称这次做姊妹是史上最轻松的一次：“我哋应该系最舒服嘅姊妹团，因为新娘都无特别要求我哋做啲咩，是最轻松的一次。”最到无得玩新郎会不会觉得可惜，Gigi说：“不可惜，如果真系畀我哋玩，佢哋就会觉得好可惜，最好不要，我觉得今晚都几简单，但系隆重，我哋系直接嚟饮，就无玩新郎。同埋新娘都好随意。”Sa指新郎相比之下就显得比较紧张，兄弟团也一样紧张，她更大赞新郎“真人靓仔过上镜”，比起阿芝的热情奔放，新郎则比较害羞，Sammi笑指她们是负责来搞笑的。

问到婚礼中有没有哪个时刻令姊妹们觉得感动，Sammi 笑说：“佢嫁得出我已经好感动！”阿Sa 被记者问，今晚是否负责接花球，Sammi 马上说：“肯定啦，我哋接来都无咩意义㗎喇。”阿Sa也说身边的好姊妹都嫁得七七八八，今日还特地问助手：“我啲朋友结晒婚未㗎？佢话‘应该仲争容祖儿’。”Sammi 笑说：“咁你要快过佢！”阿Sa则指随遇而安。