钟嘉欣无份出任姊妹团 苟姑娘：坐月好重要，唔忍心佢飞过来
撰文： 吴子生
出版：更新：
苟芸慧（Christine）昨日（14/9）出席九龙塘举行汽车发布会活动。快将披上嫁衣成为陆太嘅苟姑娘，将于今年10月19日，于上水双鱼河举行盛大婚礼，在访问前，苟姑娘心情明显雀跃又兴奋，还主动把弄摄影师镜头，被问到婚前会否感到紧张？“都系㗎，其实咁样都可以释放啲压力，可以放松啲㗎。不过对比我未婚夫佢就紧张好多，好似之前我去长春电影节行红地毯，佢要跟住我睇到我好实，感觉到佢好紧张我好锡我。”
苟姑娘透露姊妹团有香香、伍姑娘、王君馨、简慕华、潘晓彤等人组成，被问到好姊妹钟嘉欣会否出席今次婚礼？苟姑娘直言：“我同佢讲，情愿自己飞过去睇佢，都唔想佢咁辛苦飞过嚟。因为佢坐紧月系好重要，而且佢唔系得一个小朋友，而家有两个小朋友要照顾，要佢飞过嚟自己都唔系咁好意思。所以锡佢多啲，我应该飞过去睇佢。”