【延禧攻略】阿Sa愿为“富察皇后”秦岚做宫女：我系男人会追佢
撰文： 张嘉敏
出版：更新：
大陆剧《延禧攻略》自播出以来即掀起了一股追剧热潮，就连圈中不少艺人都有疯狂追剧，蔡卓妍 (阿Sa) 就是其中一个。呢日适逢在该剧饰演富察皇后的秦岚出巡在港出席活动，阿Sa亦是嘉宾之一，难得可以与富察皇后同场，身为剧迷的阿Sa即时化身做小粉丝，希望能够成功集邮。
【延禧攻略】富察皇后秦岚直认是港剧Fans：我自细睇TVB大！
阿Sa接受访问时表示：“我中晒《延禧》毒呀，最钟意富察皇后呢个角色，佢死𠮶幕我喊到癫咗，好伤心，仲想睇佢继续出场。我几日前知道佢会嚟呢个活动已经好兴奋，好想见到佢，觉得佢好靓，好想同佢合照。除咗皇后，璎珞同娴妃呢两个角色我都好钟意。（想同皇后合作？）梗系想啦，就算做宫女都唔介意，我好钟意佢嘅气质，好独特，好靓同埋好温柔，有一种好想亲近佢嘅感觉，一笑就会俾佢融化，如果我系男人都会追佢。”
问到可有兴趣拍宫廷剧，阿Sa说：“我拍过古装剧，但就未拍过宫廷剧，可以试下呀，啲服装同头饰都好靓。”而现场的阿Sa当然有捉紧机会同秦岚合照啦，仲一齐selfie。