与谢东闵传绯闻　胡定欣答非所问：点解佢个短讯净系讲生日快乐？

胡定欣（Nancy）今日（12日）以一身金色方领上衣搭配牛仔裤出席活动，刚刚同一班好姊妹庆祝完37岁牛一的定欣，直言大家为自己庆祝生日时带了6支酒，不过就没有饮醉，去到刚刚好的位置就已经好尽兴。而当晚定欣和谢东闵的一张合照，令不少网友都大呼两人“好衬”，以为两人拍紧拖：“好好笑㖞，我仲话佢点解send个message净系happy birthday，可唔可以写多两句呀？咁跟住惹嚟大家咁有趣嘅反应，大家成班都系好朋友啰。”

日前陈展鹏宣布和单文柔（Phoebe）结婚，定欣表示自己已为对方送上祝福：“我哋有个《城寨英雄》的group chat，大家都send短讯恭喜佢呀，好替佢开心。（去饮？）如果佢会办婚礼嘅，咁我又被邀请嘅，当然啦，开心事嚟嘛。”

内地古装剧《延禧攻略》掀起全城热话，定欣也有追看，现在内地电视剧在香港愈来愈受欢迎，唔知身为视后的定欣，会不会担心港剧失去竞争力呢？“我觉得唔可以咁样去讲嘅，咁每个剧都有佢成功嘅原因，我觉得好睇嘅就大家一齐分享去睇啰，咁公司亦都买咗呢个片返嚟，证明都系有相当嘅质素，我哋有我哋自己做返本地嘅制作。”港剧曾经好辉煌，近年的发展大不如前，不过定欣就说公司在剧集的创作和质素方面，一路都好努力去迎合市场的需要：“我哋身为公司嘅同事，就系畀心机去做，同公司一齐配合，拍多啲好嘅剧畀大家睇。”

呢段时间定欣就接紧外面的工作，不用长时间拍剧的她也觉得非常开心，可以扮靓出席活动，而九月尾她就会同姚子羚（Elaine）、萧正楠（Edward）、曹永廉去瑞士拍摄旅游节目：“我哋都好期待，大家已经每日喺群组里面讨论要准备啲咩衫呀，带几多喼呀，我哋自己私底下又系好朋友，真系寓工作于娱乐啰。”