【铁探】与张宝儿首次合作拍剧　袁伟豪爆料：佢喊到收唔到声

袁伟豪（Ben）现身将军澳无线剧集《铁探》煞科宴。早前阿Ben透露为咗个角色要减磅要戒糖戒盐，经过几个月拍摄工作，终于煞科可以尽情吃喝玩乐：“我嘅戏份喺9月1日已经拍哂，因为个身体咁长时间冇食过盐，第一日返到屋企，第一时间攞包薯片嚟食，呢十日里面一日三餐都食到，早一两日前突然左脚小腿以下成只脚肿哂，于是乎上网摷资料，睇下发生咩事，自己都好担心会唔会系肾功能同埋心脏出现咗问题，最后去咗睇医生，验血做哂检查一切正常，医生话可能我呢四个月食的太清淡，突然之间变番正常饮食习惯，身体接收唔切啲盐份所以脚肿。”

张宝儿第一次拍剧集，能够参与一个咁大制作嘅剧集，作为男友有冇过两招比佢呢？“好开心可以同佢分享拍摄嘅心得，回想起二十年前自己入行都唔知自己拍紧乜，今日有机会我会时常提住佢，喺拍戏嘅过程都有啲好有趣嘅地方，试过有场戏讲佢要喊，佢喊到收唔到声，一路都冇停过，我同梁烈唯在场想入对白都入唔到，真喺几好笑，监制仲话我哋俾佢放到一颈血，相信成件事对宝儿来讲，呢个经验都好宝贵。”