陈炜惊讶好姊妹张文慈“唔捞”：拍剧时间长会易闹情绪

陈炜穿上低胸晚装长裙华丽登场，出席好友香港名设计师何国钲（Dorian)于香港会议展览会举行的大型时装活动。炜哥最近为某美容院做埋代言人，身型比之前重要Fit。“因为做咗代言人，有瘦身广告喺身，美容公司有赞助，做咗佢啲仪器，真系比之前瘦咗好多，起码有成10磅咁多。”

陈炜被问到好姊妹张文慈昨日向传媒表示，对演艺失去咗方向，冇成就感，好想休息一下，炜哥闻言非常错愕：“我琴日见到佢喺IG留言想放弃，我以为佢做嘢辛苦，仲叫佢休息下，佢有咁同记者讲咩？”炜哥睇完相关报道后表示：“其实每个人都会有情绪，尤其是拍戏拍到好攰嘅时候，每日拍成20个钟，有阵时系会气馁，可能系𠮶一刻啫，我会继续支持佢，佢系好正面好阳光嘅一个女仔，佢唔会咁易放弃，我稍后会打电话俾佢同佢倾。”